အကယ်ဒမီ ဆွေဇင်ထိုက် (ခ) ဂရေ့စ်2021-01-06T03:58:08+00:00

အကယ်ဒမီ ဆွေဇင်ထိုက် (ခ) ဂရေ့စ်
ရုပ်ရှင်သရုပ်ဆောင်၊ ဒါရိုက်တာ နှင့် ထုပ်လုပ်သူ

ဒေါ်ဆွေဇင်ထိုက်သည် သရုပ်ဆောင်လောကမှ အနားယူခဲ့ပြီးနောက် မြန်မာ့အမွေအနှစ်ရုပ်ရှင်ဇာတ်ကားများထိန်းသိမ်းရေးနှင့် မြှင့်တင်ရေးတို့ကို ဆောင်ရွက်ခဲ့ကာ မြန်မာနိုင်ငံရုပ်ရှင်အစည်းအရုံးတွင် တွဲဖက်အတွင်းရေးမှူးအဖြစ် တာဝန်ယူခဲ့ပြီးနောက် ၂၀၀၅ ခုနှစ်တွင် နိုင်ငံတကာဆက်ဆံရေးကော်မတီကို ဖွဲ့စည်းဆောင်ရွက်ခဲ့သည်။ နိုင်ငံတွင်း လွတ်လပ်သည့် ရုပ်ရှင်ဇာတ်လမ်းတိုများကို ဖန်တီးရန် စိတ်အားထက်သန်သည့် လူငယ်များအတွက် Yangon Film Shcool ကို ကူညီတည်ထောင်ခဲ့သူလည်းဖြစ်ပါသည်။ ဒေါ်ဆွေဇင်ထိုက်သည် မြန်မာ-ပြင်သစ် နှစ်နိုင်ငံ ယဉ်ကျေးမှုဖလှယ်သည့်ကဏ္ဍတွင် အဓိကနေရာမှ ပါဝင်ဆောင်ရွက်ခဲ့မှုများကြောင့် ပြင်သစ်နိုင်ငံ ယဉ်ကျေးမှုနှင့် ဆက်သွယ်ပြန်ကြားရေးဝန်ကြီးဌာနက Order of the Arts and Letters တွင် သူရဲကောင်းအဖြစ် ဂုဏ်ပြုချီးမြှင့်ခဲ့သည်။ရုပ်ရှင်လောကအတွက် သူမ၏ လုပ်ဆောင်ချက်များအပြင်၊ မြန်မာနိုင်ငံတွင်း HIV AIDS ရောဂါနှင့်ပတ်သက်ပြီး အသိပညာပေးမှုများကို ကျယ်ကျယ်ပြန့်ပြန့် ပါဝင်ဆောင်ရွက်ခဲ့ရာတွင်လည်း လူသိများသည်။ အစိုးရမဟုတ်သော အဖွဲ့အစည်း (NGO) များ နိုင်ငံတွင် စတင်လာချိန် ၁၉၉၁ ခုနှစ်ကပင် UNICEF ဖြင့် လက်တွဲဆောင်ရွက်ခဲ့ပြီး PSI နှင့်အတူလက်တွဲကာ အများပြည်သူအား ကွန်ဒုံးသုံးရန်၊ အသုံးပြုဖို့ဝယ်ယူရာတွင် ရှက်ကြောက်ခြင်းမရှိစေရန်၊ ကျယ်ကျယ်ပြန့်ပြန့် ဝယ်ယူရရှိစေရန် အသိပညာပေးမှုများ ဆောင်ရွက်ခဲ့သည်။

Go to Top