မေမြတ်ဝါဆို (ဖက်ရှင်ဒီဇိုင်နာ)2019-11-07T16:51:17+00:00

မေမြတ်ဝါဆို (ဖက်ရှင်ဒီဇိုင်နာ) (V18)

၂၀၀၅ ခုနှစ်တွင် အင်္ဂလိပ်စာမေဂျာဖြင့် ဘွဲ့ရရှိခဲ့သော မေမြတ်ဝါဆိုသည်၂၀၀၇ ခုနှစ်တွင် “Happy Heart” အမည်ရှိ Dressmaking & Fashion Design Training Centre ကို စတင်တည်ထောင်ဖွင့်လှစ်ခဲ့ပြီး၊ ၂၀၁၀ တွင် “Happy Heart” Brand & Design School ကို ထပ်မံဖွင့်လှစ်ခဲ့ပါသည်။ ဘန်ကောက်မြို့တွင်ကျင်းပသော BIFF & BIL International Fashion Fair နှင့် ဟောင်ကောင်တွင် ကျင်းပသော Hong Kong Fashion Week 2016 တို့တွင် မြန်မာ့ရိုးရာရွှေချည်ထိုး မြန်မာဝတ်စုံများကို သွားရောက်ပြသခဲ့သည်။

၂၀၁၈ ခုနှစ်တွင် Shwe FM မှ ချီးမြှင့်သည့် Designer Award ဆုကိုရရှိခဲ့ပြီး၊ ၂၀၁၇၊ ၂၀၁၈၊ ၂၀၁၉ ခုနှစ်များတွင် ပြုလုပ်ကျင်းပသော Indonesia Fashion Week ပွဲတွင် ၃ နှစ်ဆက်တိုက် မြန်မာနိုင်ငံကိုယ်စားပြု သွားရောက်ပြသခွင့်ရခဲ့သည်။ မြန်မာအမျိုးသမီးများနေ့ကို ဂုဏ်ပြုသော အမျိုးသမီးရေးရာ ဝတ်စားဆင်ယင်ထုံးဖွဲ့မှုပြပွဲတွင်လည်း ၆ ကြိမ်တိုင်တိုင် ပါဝင်ပြသခဲ့ပြီး ပြည်တွင်းပြည်ပဖက်ရှင်ပြပွဲများအပါအဝင် စုစုပေါင်း ပွဲ ၅၀ ကျော်ပြသခဲ့သည့် အောင်မြင်သော ဖက်ရှင်ဒီဇိုင်နာတစ်ဦးဖြစ်သည်။