သွင်စုထွေး (ဖက်ရှင်ဒီဇိုင်နာ)2019-11-07T16:51:43+00:00

သွင်စုထွေး (ဖက်ရှင်ဒီဇိုင်နာ) (V36)

သွင်စုထွေးသည် သစ်လွင်လတ်ဆတ်သော ဒီဇိုင်းများကို စတင်မိတ်ဆက်ပြီး မြန်မာဖက်ရှင်လောကကို ဆန်းသစ်စေခဲ့သူဖြစ်ပါသည်။ ဖက်ရှင်ဒီဇိုင်းပညာကို အီတလီနိုင်ငံတွင် လေးနှစ်ကြာသင်ယူပြီးနောက် မြန်မာနိုင်ငံသို့ ပြန်လာပြီး ဖက်ရှင်ဒီဇိုင်နာတစ်ဦးအဖြစ် ရပ်တည်ခဲ့သည်။

၂၀၁၆ ခုနှစ်တွင် ဖိလစ်ပိုင်ဒီဇိုင်နာများနှင့် ပူးပေါင်းသည့် Passion for Fashion Show တွင် ပါဝင်ပြသခဲ့ရသည့်အပြင် Bangkok ၌ကျင်းပသော BIFF & BIL International Fashion Fair တွင်လည်းကောင်း ထိုင်းနိုင်ငံချင်းမိုင်၌ ပြုလုပ်သော Northern Logistic Forum 2017 တွင်လည်း မြန်မာနိုင်ငံကိုယ်စားပြုဝင်ရောက်ပြသခဲ့သည်။

ပြည်တွင်း ဖက်ရှင်ရှိုးများစွာတွင်လည်း ပါဝင်ထားပြီး Hong Kong ရုပ်ရှင် Line Walker 2 ကို မြန်မာနိုင်ငံတွင် လာရောက်ရိုက်ကူးစဉ်က ပြည်တွင်းမှ အဝတ်အစားဒီဇိုင်နာအဖြစ် ရွေးချယ်ခံရကာ အဆိုပါနိုင်ငံတကာ ရုပ်ရှင်ရိုက်ကူးရေးတွင် ပါဝင်ခဲ့သည်။ ယခု မြန်မာနိုင်ငံတွင် ရိုက်ကူးလျက်ရှိသော “အောင်ဆန်းရုပ်ရှင်” အတွက် အသုံးအဆောင်ပစ္စည်း (Accessories) များကို တာဝန်ယူလျက် ဖန်တီးပေးလျက်ရှိသည်။