ပန်းချီမွန်သက်2020-12-26T12:33:34+00:00

ပန်းချီမွန်သက်

ပန်းချီမွန်သက်သည် ၁၉၉၃ ခုနှစ်တွင် ပန်းချီနည်းပြအဖြစ် ရန်ကုန် ပန်းချီပန်းပုကျောင်းတွင် စတင်တာဝန်ယူဆောင်ရွက်ခဲ့ပြီး ၂၀၀၅ ခုနှစ်မှ ၂၀၀၇ ခုနှစ်အထိ ကျောင်းအုပ်အဖြစ် တာဝန်ထမ်းဆောင်ခဲ့သည်။ ပန်းချီဆရာတစ်ဦးအဖြစ် ၂၀၀၇ ခုနှစ်မှ စတင်ရပ်တည်ခဲ့ပြီး လက်ရှိတွင် ပြည်တွင်းပြည်ပ ပန်းချီပြပွဲပေါင်း ၇၀ ကျော်ကိုလည်း ပြသခဲ့ပြီးဖြစ်ကာ ပန်းချီနှင့်ပတ်သက်၍ ရရှိခဲ့သောဆုများမှာ ၂၀၀၂ ခုနှစ်တွင် ASEAN Art Awards အထူးဆု၊ ၂၀၁၀ ခုနှစ်တွင် Myanmar Portrait Contest အထူးဆုတို့ကို ရရှိခဲ့ပါသည်။ သူသည် အနုပညာဖိတ်ခေါ်ဆွေးနွေးပွဲများအဖြစ် ၂၀၀၆ ခုနှစ်မှ ယနေ့တိုင် ထိုင်း၊ စင်္ကာပူ၊ မလေးရှား၊ အင်ဒိုနီးရှား၊ လာအို၊ ဗီယက်နမ်၊ ဘင်္ဂလားဒေ့ရှ်၊ အိန္ဒိယ၊ တရုတ်၊ တောင်ကိုရီးယား၊ ဂျပန်၊ ဟောင်ကောင်၊ ထိုင်ဝမ်၊ မကာအို၊ အီတလီ၊ ပြင်သစ်နှင့် ရုရှား စသောနိုင်ငံများတွင် Artist Residence, Artist Symposium, Art Workshop, Art Biennale, Art Seminar, Art Exhibition များကို အကြိမ်များစွာ Invited Artist အဖြစ် တက်ရောက်ဆင်နွှဲခဲ့သည်။ ၂၀၁၁ ခုနှစ်တွင်လည်း ထိုင်းနိုင်ငံ နရဲစွမ်တက္ကသိုလ်တွင်ပြုလုပ်သော 1st ASEAN Art and Civilization Symposium နှင့် အခြား Art Workshop များကို တက်ရောက်ခဲ့ရပြန်သည်။ သူ၏ပန်းချီလက်ရာများကို တရုတ်နှင့် ထိုင်းနိုင်ငံတို့မှ အမြတ်တနိုး စုဆောင်းကြသည်။

Go to Top