ဦးသူရကိုကို2019-10-21T08:18:27+00:00

ဦးသူရကိုကို
အမှုဆောင်အရာရှိချုပ်၊ YGA Capital

Goldman Sachs နှင့် N.M. Rothschild ကဲ့သို့သော နိုင်ငံတကာရင်းနှီးမြှုပ်နှံမှု ဘဏ်ကြီးများတွင်လုပ်ကိုင်ပြီး အတွေ့အကြုံများစွာ စုဆောင်းခဲ့သည့် သူ့ဂုဏ်သတင်းသည် ချီးကျူးလေးစားဖွယ်ဖြစ်သည်။

၂၀၁၀ ပြည့်နှစ်၊ မြန်မာနိုင်ငံသို့ ပြန်လာသည့်အချိန်မတိုင်မီအထိ ဟောင်ကောင်ရှိ နိုင်ငံတကာ Telecom နှင့် Media လုပ်ငန်းကြီးများတွင် ဒု-ဥက္ကဌ ရာထူးဖြင့် တာဝန်ထမ်းဆောင်ခဲ့သည်။ အမိမြန်မာနိုင်ငံသို့ ၂၀၁၀ ခုနှစ်တွင် ပြန်လည်ရောက်ရှိလာပြီးသည့်နောက်တွင် YGA Capital ကို တည်ထောင်ခဲ့သည်။ ကမ္ဘာ့အကြီးဆုံး ပုဂ္ဂလိကအစုရှယ်ယာ ရင်းနှီးမြှုပ်နှံမှုရန်ပုံငွေ(TPG) က YGA Capital ၏ အမှုဆောင်အရာရှိချုပ် ဦးသူရကိုကို ကို မြန်မာနိုင်ငံမှ ၎င်းတို့၏ ကိုယ်စားလှယ်အဖြစ် ခန့်အပ်ခဲ့သည်။

သူသည် မြန်မာနိုင်ငံအနှံ့အပြားတွင် ဆက်သွယ်ရေးတာဝါတိုင်များ တည်ဆောက်လျက်ရှိသည့် Apollo Towers Myanmar Limited နှင့် အသေးစားချေးငွေလုပ်ငန်း Pacific Star Finance Limited ၏ ဒါရိုက်တာအဖြစ်လည်း ဆောင်ရွက်နေသည်။ ဦးသူရကိုကိုသည် လျှင်မြန်စွာ တိုးတက်လာသည့် မြန်မာ့စီးပွားရေးအခြေအနေများအတွက် ၎င်း၏တန်ဖိုးမဖြတ်နိုင်သော အသိပညာနှင့် အတွေ့အကြုံများကို ပြန်လည်မျှဝေ ပံ့ပိုးပေးနေသူလည်းဖြစ်သည်။