Home2021-03-01T18:19:12+00:00

Myanmar’s Pride Awards 2020 ၏ တရားဝင်ထုတ်ပြန်ချက်

လေးစားအပ်ပါသော ပရိတ်သတ်များခင်ဗျာ
နယ်ပယ်အသီးသီးမှ ထူးချွန်အောင်မြင်သူများကိုဂုဏ်ပြုမည့် Myanmar’s Pride Awards ဆုချီးမြှင့်ရေး အစီအစဉ်ကို ယာယီရွှေ့ဆိုင်းသွားမည့်အကြောင်း ဆုရွေးချယ်ပေးအပ်ရေးကော်မတီက အသိပေးအကြောင်း ကြားအပ်ပါသည်။ ထို့ပြင် ဆုရွေးချယ်ပေးအပ်ရေးအစီအစဉ်၏ လက်ရှိဆောင်ရွက်နေဆဲ လုပ်ငန်းကိစ္စရပ်များ အားလုံးကိုလည်း ယာယီဆိုင်းငံ့ထားမည်ဖြစ်ပါသည်။
မြန်မာတို့၏ ဂုဏ်ယူဖွယ်ရာ Myanmar’s Pride Awards 2020 ဖြစ်မြောက်ရေးအတွက် အဖက်ဖက်မှကူညီပံ့ပိုး ပေးကြသော ဂုဏ်သရေရှိလူကြီးမင်းများအားလုံးနှင့် ဆန္ဒမဲပေးကြသော ပရိတ်သတ်အားလုံးကို အထူးပင် ကျေးဇူးတင်ရှိပါသည်။
Myanmar’s Pride Awards ဆုရွေးချယ်ပေးအပ်ရေးအစီအစဉ်အနေဖြင့် မိမိတို့ချမှတ်ထားသော စံတန်ဖိုးများ ကို ခိုင်မာစွာစွဲကိုင်လျက် အခက်အခဲနှင့်စိန်ခေါ်မှုအမျိုးမျိုးကို ကြံ့ကြံ့ခံကျော်လွှားကာ နယ်ပယ်အသီးသီးတွင် အောင်မြင်နေသော မြန်မာနိုင်ငံနှင့်ကမ္ဘာ့အရပ်ရပ်ရှိ မျိုးဆက်သစ်လူငယ်များ လေးစားအားကျအတုယူရ လောက်သည့် ထူးချွန်သူမြန်မာပြည်ဖွားများကို ဂုဏ်ပြုနိုင်ရန် ဆက်လက်ကြိုးပမ်းသွားမည်ဖြစ်ပါသည်။
ဆက်လက်လုပ်ဆောင်သွားမည့်အစီအစဉ်များကို လူကြီးမင်းတို့အား အချိန်နှင့်တစ်ပြေးညီ အကြောင်းကြား သွားမည်ဖြစ်ကြောင်း အသိပေးအပ်ပါသည်။

လေးစားစွာဖြင့်

Mango Advertising Co., Ltd. (စီစဉ်သူ)
မြန်မာတို့၏ဂုဏ်ယူဖွယ်ရာ Myanmar’s Pride Awards 2020 ဆုရွေးချယ်ပေးအပ်ရေးအစီအစဉ်

Go to Top